Алматыда мас жүргізушінің кесірінен ірі жол апаты болды

АСТАНА, 13 шілде – Sputnik. Удай мас жүргізуші көше қиылысында тұрған үш көлікке соғылған, деп хабарлайды куәгерлер Sputnik Қазақстан агенттігіне. 

Honda CRV Рысқұлов көшесі бойымен шығыс бағытта келе жатады. Волочаевская көшесімен қиылыста кроссовер көлігі бағдаршамның қызыл жарығына тоқтап тұрған үш көлікті қаққан: Mazda, BMW және Toyota.

Соқтығысу салдарынан CRV жолаушысы зардап шекті, алайда жедел жәрдем мен полицияның келуін күтпей оқиға орнынан кетіп қалды. 

Жол апатының куәгерлері мен қатысушылары атап өткендей, Honda жүргізушісі удай  мас болған. Жол апатына кінәлі тұлға мас екенін мойындады.