АСТАНА, 13 шілде – Sputnik. Монакодағы Монте-Карло техникалық лицейінің бір топ студенті Астанадағы ЭКСПО көрмесіне келіп, өздерінің жаңа өнертабысы – күн батареясымен жүретін бамбук велосипедін ұсынды.
"Бұл жай ғана экспонат емес, болашаққа қол жеткізгенімізді көрсететін шынайы өнертабыс. Бамбукты біздің дипломаттардың бірі жіберген, ал келушілер скотч деп ойлаған таспа – резеңкеленген бамбук талшығы, ол қатқан кезде ағаш сияқты берік болып, бөлшектерді біріктіруге мүмкіндік береді. Әлбетте, біз басқа велосипедтердің дайын элементтерін пайдаландық. Сонымен бірге, Александр Винокуровқа бізге қолдау көрсетіп, сенгені үшін, кеңес беріп, велосипедті өзі сынап көргені үшін алғысымызды білдіреміз", — дейді жас өнертапқыштар.
Велосипедтің жалпы салмағы 4,15 килограмм, оған 36-вольттық электрлі мотор орнатылған, күн панелінен қуат алады.
"Болашақ жасыл технологиямен жарқын болмақ, ол бүкіл саланы, тіпті luxury өнімдерді де қамтиды. Көп ұзамай мұнайдан шығарылған жанармаймен жүретін қымбат көліктер сәннен шығып қалады. Оның орнын басқа технологиялар басады, бұл тамаша үрдіс", — деп сенеді өнертапқыштар.
