АСТАНА, 12 шілде – Sputnik. Алматыда "Орбита-4" шағын ауданындағы көп қабатты үйде газ-ауа қоспасы жарылып, екі адам зардап шекті.
Төтенше жағдайлар жөніндегі департамент атап өткендей, газ-ауа қоспасының жарылуы таңғы сағат 8-де "Орбита-4" шағын ауданындағы 11-үйдің төртінші қабатындағы пәтерде болған. Пәтерде болған ер мен әйел күйіп қалды.
Жарылыс салдарынан үйдегі заттар тұтанып, 0,3 шаршы метр жер өртенген. Өрт сөндірушілер келгенше, жалын өшірілді.
