АСТАНА, 11 шілде — Sputnik. Қытайда Димаштың құрметіне ұшақ шығармақ. Бұл туралы әншінің Бұл туралы әншінің PR-менеджері Алпамыс Шәрімов мәлім етті.
"Димаштың атымен енді ұшақ жарыққа шығады! TianDao компаниясы Eastern company-мен бірге жеке тапсырысқа ұшақ шығаратын болды! Бұл ұшақ "Moonlight blade" онлайн ойыны желісіне арналмақ. Димаш осы ойынға "Уақыт-теңіз" атты саундтрек жазған болатын. 22 тамызда өзінің алғашқы рейсін Шанxайдан Пекинге орындайтын аталмыш ұшақта Димаштың бейнесі бейнеленетін болады. Үлкен әуе кемесі енді Димаштың атымен брендке айналмақ!!!", — деп жазған Шәрімов инстаграмдағы жеке парақшасында.
Ол Димаштың барлық жанкүйерлерін осы қуанышты оқиғамен құттықтаған.
Әншінің досының айтуынша, онлайн-ойынға жазылған саундтрек қазірдің өзінде музыкалық чарттарда танымал болып жатыр.
"Қытайдағы ең танымал әлеуметтік желіде басты парақшаға Димаштың суреті қойылған", — деп қосты Шәрімов.
