АСТАНА, 11 шілде – Sputnik. Атмосфералық фронттардың өтуіне байланысты Қазақстанның басым аймақтарында тұрақсыз ауа райы күтіледі, кей жерлерде жаңбыр, найзағай болып, жел күшейеді, деп хабарлайды Қазгидромет.
Оңтүстік-шығыста, республиканың орталық және шығысының кей жерлерінде ыстық ауа райы күтіледі.
Солтүстік Қазақстан, Ақмола, Шығыс-Қазақстан облыстарының кей жерлерінде жел 15-20 м/с күшейеді, бұршақ болуы мүмкін, Солтүстік Қазақстан облысының кей жерлерінде түнде және таңертең тұман болады.
Қызылорда облысының кей желерінде жел 15-20 м/с күшейіп, шаңды дауыл болады. Қостанай, Павлодар, Жамбыл, Атырау, Ақтөбе, күндіз Қарағанды, Оңтүстік-Қазақстан облыстарының кей жерлерінде желдің күші 15-20 м/с болады.
Күндіз Алматы облысында, Қарағанды, Шығыс Қазақстан облыстарыныңда кей жерлерде қатты ыстық сақталады. Атырау облысында, Батыс Қазақстан, Ақтөбе, Қостанай, Қарағанды, Қызылорда, Оңтүстік-Қазақстан, Жамбыл Алматы облыстарының кей жерлерінде өте жоғары өрт қаупі күтіледі.
