АСТАНА, 3 шілде — Sputnik. Нұрсұлтан Назарбаев халықаралық әуежайы тұрағында жол талғамайтын көлік аударылып түсті, көлік апаты суреттері әлеуметтік желілерде жарияланған.
Астана ішкі істер департаменті баспасөз хатшысы Софья Қылышбекованың сөзіне сүйенсек, полиция жол апаты дерегі бойынша тексеру жүргізуде.
"Toyota Land Cruiser Prado елордалық тұрақ аумағында келе жатып, оң жақтан шыққан Hyundai Tucson көлігіне жол бермей қойған. Салдарынан Prado жүргізушісі рөлге ие бола алмай, көлік аударылып түсті", —деп хабарлайды Қылышбекова.
Астанадағы әуежай тұрағында жол талғамайтын көлік аударылып түсті
© Photo
Toyota жүргізушісіне қатысты ҚР ӘҚБК610-бабына сәйкес әкімшілік хаттама толтырылды.
