Ақмола облысында ірі бұршақ жауды

АСТАНА, 1 шілде — Sputnik. Бурабай ауданы Щучинск қаласына бұрын болып көрмеген ірі бұршақ жауды, автокөліктерге зақым келіп, адамдар зардап шекті, деп хабарлайды төтенше жағдайлар жөніндегі департамент. 

Бурабай ауданында сағат 17.15 мен 17.25 аралығында Щучинск қаласының шетінде диаметрі 20-30 миллиметр бұршақ түскен. 

"1962 жылы туған жергілікті тұрғын жарақат алып, ауруханаға жатқызылды және жеті адамды дәрігерлер қарап, үйлеріне қоя берген. Қалада ішін ара тұрғын үйлердің шатырлар бұзылып, терезе әйнектері сынған, сондай-ақ жеңіл автокөліктерге зақым келді, саны анықталып жатыр", — деп мәлімет берді департамент.

Оқиға орнында әкімдік қызметкерлері мен Ақмола облысы ТЖД қызметкерлерінен комиссия құрылды.