АСТАНА, 30 маусым – Sputnik. Шілде айының басында еліміздің батыс өңірлерінде аптап ыстыққа байланысты дабылды ескерту жарияланды, деп хабарлайды "Қазгидромет" метеоқызметі.
Синоптиктердің мәліметінше, 1-5 шілдеде күндіз Батыс Қазақстан және Атырау облыстарында, 1-6 шілдеде Маңғыстау облысында кей жерлерде 40-43 градус ыстық болады.
Бұдан бұрын хабарланғандай, жұма күні 30 маусымда Астана мен Ақмола облыстарында аптап ыстық болады – 35 градус. Еліміздің оңтүстігінде де ауа температурасы 33-38 градус ыстық.
