АСТАНА, 18 маусым — Sputnik. Алматыда Шемякин және Черниговский көшелерінің қиылысында жол апаты болды.
Sputnik Қазақстанға оқиға куәгерлері айтып бергендей, Toyota Camry мен Mercedes көліктері Шемякина көшесінің бойында оңтүстік бағытта қозғалып келе жатқан. Toyota Camry жүргізушісі солға қарай Черниговский көшесіне бұрылмақ болды. Бұл уақытта Merсedes жүргізушісі қарсы жолаққа шығып қатты жылдамдықпен Toyota көлігімен соқтығысты.
Соққыдан Toyota Camry жеке үйдің қоршауына ұшып кетіп соғылды. Көзбен көрушілердің айтуынша, Toyota Camry көлігінің артқы есігінен соққы кезінде кішкентай қыз түсіп кетіп, Mercedes көлігінің астына түсіп кеткен. Оқиға орнына келген полиция қызметкерлері мен көзбен көрушілер көліктің астынан кішкентай қызды алы шыға алды. Ол ауруханаға жатқызылды.
Алматы полициясы оқиғаның мән-жайын анықтайтын болады.
