АСТАНА, 16 маусым – Sputnik. Алматы облысында "Қазпошта" ауылдық бөлімшесінің меңгерушісіне шабуыл жасаған күдікті ұсталды, деп хабарлайды Sputnik Қазақстан тілшісі өңірлік ішкі істер департаментінің баспасөз қызметіне сілтеме жасай отырып.
Жетінші маусымда Еңбекшіқазақ ауданы Тескенсу ауылында белгісіз тұлғалар "Қазпошта" ауылдық бөлімшесінің меңгерушісіне шабуыл жасаған. Газ баллончигін пайдаланған ер адамдар әйелді соққыға жығып, 4 миллион теңгеге жуық ашқаны мен алтын бұйымдар ұрлап кеткен.
Полицейлердің ақпаратына сәйкес, күдіктілердің бірі ұсталып, қамауға алынған.
"Күдікті —1979 жылы туған Қапшағай тұрғыны. Біздің деректер базамызға сәйкес, ұсталған бұрын осыған ұқсас қылмыс бойынша жауапқа тартылған. Сотқа дейінгі тергеу ҚР ҚК-нің "Тонау" бабы бойынша жалғасып жатыр", — деп хабарлады өңірлік ІІД баспасөз қызметінде. Полиция ұсталған ер адамның сыбайластарын іздестіріп жатыр. Зардап шеккен әйел аудандық ауруханада жатыр.
