АСТАНА, 8 маусым – Sputnik. Дмитрий Покидаев. Астанадағы қазақстандық-қытайлық іскерлік кеңестің (ҚҚІК) төртінші отырысы барысында жалпы сомасы 7 миллиард АҚШ долларын құрайтын 22 келісімге қол қойылатын болады, деп хабарлады бейсенбіде "Самұрық-Қазына" АҚ басқарма төрағасы, қазақстандық-қытайлық іскерлік кеңестің тең төрағасы Өмірзақ Шүкеев.
ҚҚІК отырысы Қазақстанның елордасы Астанада 8 маусымда өтіп жатыр. "Бүгін қазақстандық-қытайлық іскерлік кеңестің төртінші отырысы аясында компаниялар жалпы сомасы 7 миллиард АҚШ долларын құрайтын 22 коммерциялық құжатқа қол қойылады", — деді Шүкеев ҚҚІК жалпы отырысы барысында.
Қытай мемлекеттік банкі ескі қарыздарды қайта қаржыландыруға әзір
Шүкеевтің сөзіне қарағанда, қол қоюға әзірленген құжаттар арасында қор мен Қытай даму мемлекеттік банкі арасындағы жеңілдетілген шарттарда 3 миллиард АҚШ долларына дейін несиелік желісін ұсыну туралы шекті келісім бар.
"Негізінен айналма капиталын қаржыландыру мен қордың алдыңғы қарыздарын қайта қаржыландыру", — деп нақтылады комиссияның қазақстандық тарабының тең төрағасы. Бұдан бөлек оның мәліметіне сәйкес, Қазақстанға Атырау облысында ірітоннажды метанол және аммиак өндірісі бойынша жобаны жүзеге асыруға 1 миллиард АҚШ долларын ұсыну туралы келісімге қол қойылды. "Ол азоттық және органикалық химия өнімдерінің күрделі тыңайтқыштарын өндіру үшін шикізат базасын құрайды. Бүгін сондай-ақ "Тараз" Химиялық парк" ЕЭА аумағында каустикалық сода мен хлор өндіру жобасын жүзеге асыруға несиелік желіге қол қойғалы жатыр", — деп түсіндірді Шүкеев.
