АСТАНА, 1 маусым — Sputnik. TripAdvisor туристік қызметі Travellers' Choice марапаты аясында әлемдегі мәдени нысандар арасында 2017 жылдың үздіктерін анықтады, деп жазады ummet.kz.
Бірінші орын Камбоджадағы Ангкор-Ват храм кешеніне бұйырған. Екінші орын – Біріккен араб әмірлігі Абу-Даби қаласындағы шейх Зайед мешітіне, үшінші орын – Испаниядағы Кордова орталық мешітіне (Мескита) берілді.
Төртінші және бесінші орынға Ватикандағы қасиетті Петр шіркеуі мен Үндістандағы Тәж-Махал кешені лайық деп танылды.
Рейтингтің алтыншы қатарына Санкт-Петербургтағы Спас шіркеуі жайғасты. Сонымен қатар, әлемнің әдемі мәдени нысан ондығына Ұлы Қытай қорғаны, Перудағы Мачу-Пикчу, Испаниядағы орталық алаң және миландық Дуомо шіркеуі енген.
Рейтинг жасаған кезде TripAdvisor желісіндегі мәдени нысандар туралы пікірлер саны мен көрсеткіштері есепке алынған.
