АСТАНА, 31 мамыр— Sputnik. Қазақстанда сейсмикалық станциялар желісі Алматыдан 107 және 811 шақырым жерде 4.7 мен 4,3 магнитудалық екі жер сілкінісін тіркеді.
Магнитудасы 4,7 болатын жер сілкінісі 30 мамыр күні сағат 11:40-та Алматыдан оңтүстік шығысқа қарай 107 шақырым жерде Қазақстан мен Қырғызстан шекарасында орын алды.
Зілзала ошағы 0-5 шақырым тереңдікте орналасқан. Сезілу туралы мәліметтер түскен жоқ.
Сол күні 22:49-да 4,3 магнитудалық жер сілкінісі тіркелді. Оның ошағы Алматыдан солтүстік шығысқа қарай 811 шақырымда Қытай аумағында орналасқан. Ошағы 5 шақырымдық тереңдікте орналасқан. Күші 2 балдық жер асты дүмпулері Шығыс Қазақстан облысының Зайсан ауданында, шекара заставасы өңірінде сезілген.
Қираулар мен зардап шеккендер туралы ақпарат түскен жоқ.
