АСТАНА, 28 мамыр – Sputnik. Астанада 28 мамырдан 8 маусым аралығында №34 маршруттың қозғалыс сызбасы өзгереді, деп хабарланады елорда әкімдігінің ресми сайтында.
Жолаушылар көлігі басқармасының хабарлауынша, Ш. Бейсеков көшесіндегі Қосшығұлұлы көшесінен Н. Тілендиев көшесіне дейін жол жөндеу жұмыстарына байланысты 28 мамырдан 8 маусымы аралығында осы жол учаскесі жабылады.
Осыған байланысты № 34 маршруттың қозғалыс сызбасы өзгертіледі:
"Алай – Astra" көліктік орталығы" бастапқы аялдамасынан Қосшығұлұлы – Бейсеков көшелері қиылысына дейін өзгеріссіз, ары қарай Қосшығұлұлы көшесімен тура – Ардагер көшесіне оңға – Ақан сері көшесіне оңға – Н. Тілендиев көшесіне солға қарай қолданыстағы сызба бойынша. Кері бағытта ұқсас қозғалыс сызба бойынша.
