АСТАНА, 22 мамыр — Sputnik. Солтүстік Корея орташа қашықтықтағы баллистикалық зымыран сынағын сәтті түрде жүзеге асырғанын мәлімдеді, деп жазады РИА Новости Рёнхап агенттігіне сілтеме жасап.
КХДР мемлекетінің басшысы Ким Чен Ын ядролық оқтұмсықпен әсер етіп, маневр жасай алатын, бастапқы бағытын өзгерту мүмкіндігі бар "Пуккыксон-2" зымыранының ұшырылуын бақылады.
Ол сынаққа "100-ден 100 ұпай" деген баға берді, деп хабарлайды NHK телекомпаниясы.
"Тезірек жаппай өндірісті бастап, әскерді жарақтандыруға тиіспіз", — деді Ким Чен Ын.
