АСТАНА, 20 мамыр — Sputnik. Талдықорғанда бір апта бұрын із-түзсіз жоғалып кеткен екі жасар қыздың денесі Қаратал өзенінен табылды, деп хабарлайды Sputnik Қазақстан.
Екі жасар Анастасия Руденко 13 мамыр күні Балықты мен Қаратал өзендерінің маңындағы
саяжайлардың бірінде із-түзсіз жоғалып кетті. Ата-анасы тоғанның маңынан тек баланың аяқ киімін ғана тауып алған.
Төтенше жағдай қызметі, полицейлер мен жергілікті тұрғындар баланы іздестіру жұмыстарын ұйымдастырды.
Бүгін сүңгуірлер қыздың денесін Қаратал өзенінен Талдықорғаннан 15-20 шақырым жердегі Еңбек ауылының маңындағы көпір жанынан тапты.
Қыздың денесі табылған жерде құтқарушылар мен қалалық полицияның жедел тергеу тобы жұмыс істеп жатыр.
