АСТАНА, 18 мамыр — Sputnik. ҚР Ауыл шаруашылығы министрлігі WhatsApp бойынша өлген малдың еті туралы таралып жатқан ақпаратты жоққа шығарады, деп хабарлайды ведомствоның баспасөз қызметі.
Соңғы күндері WhatsApp мессенджері бойынша белгісіз біреулер малдың етін алмаңыздар деген хабар таратты. Ақпаратқа сәйкес, су тасқыны болған өңірлерден арам өлген малдың еті КамАЗдарға тиеліп, базарларға әкелініп жатыр-мыс.
"Осыған орай таратылған ақпараттағы бұл фактілердің шындыққа жанаспайтынын хабарлаймыз. Сондай-ақ, базарларда күн сайын тұрақты түрде бақылау жүргізілетінін атап өткіміз келеді. Сатылымға түсетін барлық етке ветеринарлық-санитарлық сараптама жүргізіледі", — деп хабарлайлы министрліктің баспасөз қызметі.
