Алматыда Шығыс айналма жолында жүк көлігі қоршауды бұзды

АСТАНА, 17 мамыр — Sputnik. Алматыда Шығыс айналма жолында ЗИЛ жүк көлігі қоршауды бұзды, деп хабарлайды куәгерлер Sputnik Қазақстан агенттігіне.

Куәгерлер мен ЗИЛ жүргізушісінің сөзіне сүйенсек, жүк көлігі Шығыс айналма жолымен солтүстік бағытта келе жатады, Төле би көшесіне бұрыла бергенде белгісіз бір жеңіл көлік алдын кесіп кеткен. Көлікке соғылудың алдын аламын деп жүргізуші рөлді солға бұрған кезде, жүк көлік қоршауды бұзып, аударылып түседі. Кінәлінің көлігі жол апаты орнынан кетіп қалды.

Бағына орай, жүк көлігі жүргізушісі ауыр жарақат алған жоқ.

Қала полициясы болған оқиғаның мән-жайын анықтайды.