Алматыда жолаушылар автобусы бағанаға соғылды

АСТАНА, 13 мамыр — Sputnik. №99 бағдарлы автобус жолаушылары жол апатынан зардап шекті, деп хабарлады құқық қорғау органдары Sputnik Қазақстан агенттігіне.

Көлік апаты Достық даңғылы мен Сәтбаев көшесі қиылысында болған. Жүргізушінің айтуынша, автобустың тежегіші істемей қалып, бағанаға бір-ақ соғылған.

Бастапқы мәліметтерге сүйенсек, тоғыз адам ауруханаға жатқызылыпты. Оқиға орнында "жедел жәрдем" кезекшілікте тұр. Полиция болған оқиғаның мән-жайын анықтауда.