АСТАНА, 13 мамыр — Sputnik.Қашаған кен орнының серверлер операторы North Caspian Operating Company (NCOC) хакерлік шабуылға ұшырады, деп хабарлайды "Ақ Жайық" басылымы.
Шабуыл жұма күні 12 мамырда шамамен сағат 16:00 кезінде болған. Компанияның киберқорғаныс қызметі вирусқа тосқауыл қойып үлгермеді.
"Компания қызметкерлерінің сөзіне сүйенсек, компьютерлер коматоздық жағдайда болған, яғни мониторда "көк экран" пайда болған", — деп атап өтті басылым.
NCOC баспасөз қызметі ақпаратты растап, компания кеңсесінде желі мен поштаны ажыратуға тура келгенін айтады, алайда бұл кен орны мен зауыттың жұмыстарына кедергі келтірмепті.
