АСТАНА, 12 мамыр — Sputnik. Ішкі істер министрлігі "Questra Holdings Inc." қаржы пирамидасы қызметін бақылауға алады, деп хабарлады Бас прокуратура баспасөз қызметі.
Ведомство хабарлағандай, Қызылорда облыстық прокуратурасының бастамасымен ішкі істер органы осы жылдың 15 наурызынан "Questra Holdings Inc." қатысты қылмыстық іс бастаған.
"ІІМ-не бүкіл ел бойынша тергеу ұйымдастыру үшін тергеу тобын құруға нұсқау берілді. Ұлттық Банкпен, ІІМ-мен және Мемлекеттік кірістер комитетімен бірігіп жағдайды бақылауға алып, қаржы пирамидаларының қызметтерін бұлтартпау үшін шаралар қабылдаймыз". — делінген хабарламада.
Бас прокуратурас азаматтарды сақ болуға және өз қаражаттарын алаяқтарға сеніп тапсырмауға шақырып, күмән туған жағдайда, ақшаны салмас бұрын құқық қорғау органдарына жүгінуге кеңес береді.
