АСТАНА, 11 мамыр — Sputnik. Астанада Қабанбай батыр даңғылының Сығанақ көшесімен қиылысында қозғалыс жартылай тоқтатылады, деп хабарлайды елордалық ішкі істер департаменті.
"Астанада инженерлік желілердің құрылыс жұмыстарын жүргізуге байланысты 12 мамыр сағат 23.00-ден бастап 18 мамыр сағат 06.00-ге дейін Қабанбай батыр даңғылының Сығанақ көшесімен қиылысатын тұсы көлік қозғалысы үшін жабылады. «Жүргізушілерді айналып өту жолдарын алдын ала жоспарлауды сұраймыз", — делінген полицияның хабарламасында.
Астана көшелерінде сәуір айында басталған жол жөндеу жұмыстары мамырдың аяғына дейін жалғасатын болады.
