АСТАНА, 2 мамыр — Sputnik. Астанада сол жағалауда орналасқан "Лазурный квартал" тұрғын үй кешенінен сейсенбі 2 мамыр күні өрт шықты.
Куәгерлер үйден шығып жатқан қою түтінді суретке түсіріп әлеуметтік желіге жариялаған.
Елорданың төтенше жағдайлар жөніндегі департаментінің баспасөз қызметі хабарлағандай, Сарайшық, 5Г көшесінде орналасқан үйдің балконы жанып жатқаны туралы 13.17-де белгілі болған. Өрт сөндірушілер төрт минутта оқиға орнына жетіп, 1 мен 2 қабат аралығында орналасқан ауданы 40 шаршы метр жылытқыштың өртенгенін анықтапты.
Өрт 13.41-де сөндірілді. Өртті сөндіруге 24 адам мен 5 көлік жұмылдырылды.
