АСТАНА, 30 сәуір — Sputnik. Жол апаты "Адем" сауда үйінің алдындағы көлік тұрағында болды, деп хабарлады куәгерлер Sputnik Қазақстан агенттігіне.
Volkswagen Golf жүргізушісі 50-60 жастағы ер адамды қағып кеткен. Қатты соққыдан ер адам автокөліктен асып құлап, артта келе жатқан Toyota Land Cruieser Prado көлігінің астына түсіпті. Toyota көлігін мінген жас жігіт абдырап қалып, Volkswagen Golf көлігін артынан бір-ақ қағады, ал ол өз кезегінде көлік тұрағында тұрған Toyota Camry-ға соғылған.
Ер адам алған жарақатынан оқиға орнында қаза тапты. Алматы полициясы жол апатының мән-жайын анықтамақ.
