АСТАНА, 24 сәуір — Sputnik. Астанада ертең Димаш Құдайбергенді қошеметтеуге арналған салтанатты кеш өтеді. Бұл туралы ҚР Мәдениет және спорт министрі Арыстанбек Мұхамедиұлы өзінің фейсбуктегі парақшасында хабарлады.
"Достарым, ертең, Астанада орталық концерт залында сағат 18:30-да Димаш Құдайбергенді қошеметтеп, кұрмет көрсетеміз. Димаш Қытайдағы I am a singer халықаралық конкурсынан үлкен жеңіспен отанына оралады", — деп хабарлады Мұхамедиұлы.
Кіру тегін. Министр барлық тілектес адамдарды осы шараға шақырды.
"Келіңіздер, достар, Димашты бірге қарсы аламыз!", — деді ол.
