АСТАНА, 17 сәуір — Sputnik. Атмосфералық фронттардың өтуіне байланысты Қазақстанның басым бөлігінде жаңбыр, оңтүстікте және оңтүстік-шығыста найзағай күтіледі, деп хабарлайды ҚР ІІМ төтенше жағдайлар комитетінің баспасөз қызметі.
Ақмола, Павлодар, Солтүстік Қазақстан облыстарында жел 15-20 м/с, кей жерлерінде 25 м/с, екпіні 30 м/с күшейеді, Солтүстік Қазақстан облысының кей жерлерінде тұман бақыланады.
Қостанай облысының кей жерлерінде жел 15-20 м/с, күндіз басым бөлігінде жел 15-20 м/с, екпіні 23 м/с күшейеді, кей жерлерінде тұман бақыланады.
Қарағанды облысының кей жерлерінде жел 17-22 м/с болады, тұман күтіледі. Оңтүстік Қазақстан, Алматы облыстарының кей жерлерінде найзағай, жел 15-20 м/с күшеюі күтіледі.
Жамбыл облысының кей жерлерінде найзағай, жел 15-20 м/с, екпіні 23 м/с күшейуі, түнде және таңертең тұман күтіледі.
Қызылорда, Батыс Қазақстан, күндіз Маңғыстау облыстарының кей жерлерінде жел 15-20 м/с күшейеді.
Шығыс Қазақстан облысының кей жерлерінде жел 15-20 м/с, екпіні 25 м/с күшейеді, түнде және таңертең тұман күтіледі. Ақтөбе облысында тұман күтіледі.
