АСТАНА, 16 сәуір — Sputnik. Қостанай облысы Лисаковск қаласындағы "Союз" мәдениет үйінде балалар цирк студиясының қойылымы кезінде сахнадан өрт шықты деп хабарлайды Лисаковск Онлайн порталы.
Сенбі күні балалар цирк студиясы есеп беру концертін қойып жатқан болатын. Сахнада алуан түрлі цирк құралдарымен акробаттық қойылымдар, йога, би өнері көрсетілді.
"Сахналық нөмірлердің бірі орындалып жатқан кезде, реквизиттедің бірі тұтанып, сахнада өрт шықты. Бірақ өртті тез сөндіріп үлгерген. Соған қарамастан, балалар концерт қоюды жалғастыра берді", — деп хабарлайды портал.
