АСТАНА, 10 сәуір — Sputnik. Республиканың басым бөлігі антициклон ықпалында болып, жауын-шашынсыз ауа райы сақталады, тек оңтүстік, оңтүстік-батыс, солтүстік-батысында атмосфералық фронттардың өтуіне байланысты жаңбыр жауып өтеді, деп хабарланады ҚР ІІМ Төтенше жағдайлар комитетінің сайтында.
Оңтүстік Қазақстан, Атырау облыстарының кей жерлерінде күндіз жел 15-20 м/с күшейіп, Оңтүстік Қазақстан облысының кей жерлерінде найзағай болады. Қызылорда облысының кей жерлерінде күндіз найзағай күтіледі. Қостанай, Қарағанды облыстарында, түнде және таңертен Шығыс Қазақстан облысында, күндіз Маңғыстау облысының кей жерлерінде тұман күтіледі.
