АСТАНА, 7 сәуір — Sputnik. Қазақстанның басым бөлігінде атмосфералық фронттардың өтуіне байланысты құбылмалы ауа райы сақталады, батыс пен орталықта ғана ауа райы жауын-шашынсыз деп хабарлады "Қазгидромет" метеоқызметі.
Солтүстік Қазақстан, Павлодар, Шығыс Қазақстан облыстарында кей жерлерде көктайғақ, тұман болад, желдің екпіні — 15-20 м/с, Солтүстік Қазақстан облысында төменнен соққан боран.
Қостанай, Ақмола облыстарында тұман, желдің екпіні — 15-20 м/с, түнде Қостанай облысында — төменнен соққан боран, көктайғақ.
Оңтүстік Қазақстан облысында кей жерлерде жел — 15-20 м/с, түнде кейбір аудандарда тұман түседі.
Алматы, Жамбыл, Қызылорда, Маңғыстау, Батыс Қазақстан, Ақтөбе, Қарағанды облыстарында кей жерлерде тұман түседі, түнде Жамбыл облысында желдің екпіні — 15-20 м/с.
