АСТАНА, 4 сәуір — Sputnik. Қазіргі уақытта "Global sports cities index – 100 Top" спорт қалаларының басты индексі рейтингінде Астана 61-ші орында, деп хабарлайды Астана әкімдігінің "Elorda Aqparat" ресми интернет-порталы.
"Біз жыл сайын Астанада ресми түрде 10-нан кем емес спорт шарасын өткізуді жоспарлап отырмыз. Осы және өзге де елордада спортты дамыту жөніндегі іс-шаралар бізге таяу жылдары әлемнің 20 спорт қаласының қатарына енуге мүмкіндік туғызады", — деп мәлім етті Астана қаласы дене шынықтыру және спорт басқармасының басшысы Берік Маржықпаев.
Қазіргі уақытта Sportcal спорт саласындағы ірі британ консалтингтік агенттігінің "Global sports cities index – 100 Top" спорт қалалары бас индексінің рейтингісіне сәйкес Астана 2016 жылы әлемнің 610 қаласының ішінде 61-ші орынды иеленді.
Ал, Алматы – 27-ші орында.
