"ЭКСПО-2017" халықаралық мамандандырылған көрмесіне билеттер сату биылғы көктемде Қазақстан өңірлері мен Ресей Федерациясының ірі қалаларында басталды.
Қазақстанда барлық облыс орталықтарында орналасқан 17 ресми кассадан, 15 "Меломан" сауда желісі дүкенінен және Қазпошта бөлімшесінен билеттер сатып алуға болады. Көрме сайты арқылы билеттерді онлайн сату былтырғы жылы 10 маусымда басталған.
"Бұдан бөлек, Ресей Федерациясының бірқатар өңірінде ЭКСПО-2017 кассаларын аштық. Мысалы, Мәскеуде кассамыз РФ астанасының дәл орталығында орналасқан, Петербургте – Кассир.Ру кассасында. Казань, Нижний Новгород, Екатеринбург, Новосибирск, Сочи қалаларындағы ірі сауда орталықтарында да бар. Басқа елдерде де кассалар ашуды жоспарлап отырмыз", — деп атап өтті Дәулет Еркінбаев.
