Пәкістанда тек әйелдерге арналған такси жұмыс бастады

АСТАНА, 28 нау — Sputnik. Карачи қаласында ерекше такси пайда болды, деп хабарланады Қазақстан мұсылмандарының дін басқармасының сайтында.

Аталмыш көліктер тек әйелдерге арналған. Сондай-ақ, такси жүргізушілері де тек әйелдер.

Нәзік жандылар жолда такси жүргізушісі болған ер кісімен оңаша қалмауы үшін осындай бастама қолға алынды.

Жарқын қызғылт көлік пен қызғылт орамал таққан жүргізушілерден оның әйелдерге арналған такси екенін бірден аңғаруға болады.

Көлік жолаушыларға теледидар көруге, өзіңіздің сүйікті әуенін тыңдауға немесе жай ғана айнаға қарап алуына мүмкіндік береді.