АСТАНА, 27 наурыз — Sputnik. Қызылорда облысында Сырдария өзені арнасынан асуы салдарынан адамдар мен малдар қауіпсіз жерге шығарылуда деп хабарлайды өңірдің ТЖ жөніндегі департаменті баспасөз қызметі.
Тұрғындарды қауіпсіз жерге көшіру жексенбі 26 наурыз күні таңертең басталды. Таңғы сағат бес кезінде Басықара су торабынан үш шақырым жоғары орналасқан Балықшысайда мұз кептелуі салдарынан өзен суы арнасынан асып кеткен. Кейінірек сағат 10 кезінде Шортайда дәл осындай жайт орын алды. Судың арнасынан асқан жерінде жеке шаурашылық орналасқан.
Жергілікті тұрғындар қауіпсіз жерге көшірілді
© Photo : Қызылорда облысы ТЖД
Жалпы саны 23 адам қауіпсіз жерге көшірілді, олардың сегізі жас балалар. Құтқарушылар 32 бас ірі қара мал мен 19 жылқыны қауіпсіз жерге айдап апарды.
