Алматыда Porsche көлігінде отырған жолаушылар зардап шекті

АСТАНА, 23 наурыз – Sputnik. Алматыда элиталық кроссовер Porsche Cayenne үлкен жылдамдықпен келе жатып, жан түршігерлік жол апатына ұшыраған, салдарынан екі жолаушы зардап шекті. 

Жол апаты бейсенбі таңертең Мақатаев пен Мұқанов көшелерінің қиылысында болды. Оқиға куәгерлерінің айтуынша, үлкен жылдамдықпен келе жатқан Porsche жүргізушісі рөлге ие бола алмай қалып, қоршауды соққан.

Көлік аударылып, қатты соққыдан доңғалақтары ұшып кеткен. Көліктің ішінде отырған адамдардың көрер күні бар екен, олар тірі қалды. Жол апатында зардап шеккен екі жолаушы ауруханаға жеткізілді.

Porsche жүргізушісі дін аман. Оның рөлге ішіп алып отырғаны белгілі болды.