АСТАНА, 22 наурыз — Sputnik. Былғары қолғап шебері, Қазақстанның даңқты боксшысы Геннадий Головкин отандастарын Наурыз мерекесімен құттықтай отырып, Джейкобске қарсы жекпе-жекте қолдау көрсеткендері үшін алғысын білдірді.
Құттықтау хатын GGG Instagram желісіндегі ресми парақшасында жариялапты.
"Happy Nauryz to you all! Барша қазақстандықтарды Наурыз мерекесімен құттықтаймын! Көктемнің басты мейрамы қарсаңында жерлестерімді қуанта алғаныма ризамын. Бұл жеңіс – Наурыз мерекесіне орай баршаңызға сыйлығым! Жаңа жыл жеңіспен басталды, әрі қарай да табысқа толы болсын! Наурыз құтты болсын! GGG", — деп жазады Головкин.
Бұдан бұрын жариялаған жазбасында боксшы Қазақстаннан келген жанкүйерлерге жылы лебізін білдіріп, Нью-Йорктағы аренада туған елінің туын көру ерекше сезімге бөлегенін айтты.
