АСТАНА, 7 наурыз — Sputnik. Астана-Алматы рейсіндегі "Эйр Астана" ұшағы Алматы әуежайына бір қозғалтқышы сөндірулі күйінде қонды деп хабарлады әуе тасымалдаушысының баспасөз қызметі.
"2017 жылы 7 наурызда Астана-Алматы бағыты бойынша КС 672 рейсін атқарған "Боинг-757" ұшағы техникалық себептерге байланысты сол жақ қозғалтқышы өшірілгеннен соң штаттық режимде қонды", — делінген ресми хабарламада.
Бортта 69 адам мен сегіз экипаж мүшесі болған. Ешкім зардап шеккен жоқ деп мәлімет берді баспасөз қызметі.
