АСТАНА, 7 наурыз — Sputnik. Көктемнің алғашқы мерекесіне орай Елордамыздың келбеті өзгерді: Астананың қысқы "әшекейлерінің" орнын көктемнің келгенін сездіретін декорациялар басты. Қала әкімшілігі 8 наурыз күніне орай қандай шаралар жоспарланғанын айтып берді.
Қала тұрғындары үшін "Жігіттер" тобының есептік концерті нағыз сый болмақ, ол 8 наурыз күні "Астана" концерт залында сағат 16:00 және 19:00-де өтеді.
Мереке аясында мұражайларда, кітапханаларда, театрларда, концерт залдарында және Тәуелсіздік сарайында тақырыптық көрмелер, спектакльдер және концерттер өтеді.
