АСТАНА, 5 наурыз — Sputnik. Алматыдан Оралға ұшқан "Эйр Астана" авиакомпаниясының КС 881 рейсі Ақтөбеге қонды, деп хабарлады авиакомпанияның баспасөз қызметі.
"2017 жылғы 5 наурызда Алматы-Орал бағыты бойынша КС 881 рейсін орындау кезінде пилоттар кабинасында қозғалтқыштағы ауа бөлу жүйесіндегі ақаулық туралы хабарлама келіп түсті. Қауіпсіздікті ойлаған экипаж ұшақты Ақтөбе қаласындағы жақын әуежайға қондырды", — де жазылған ресми хабарламада.
Ақтөбе әуежайына инженерлер мен қосымша бөлім жіберілді. Жолаушылар Оралға жеткізілетін болады.
