АСТАНА, 26 ақп – Sputnik. Шайбалы хоккейден Қазақстан ерлер құрамасы Саппорода Жапония құрамасын 7:0 есебімен ойсырата жеңіп, Қысқы Азиада ойындарының чемпионы атанды.
Хоккейлік ерлер турнирі Саппорода шеңбер жүйесінде өтіп, қазақстандықтар барлық үш ойынды жеңді. Жапондықтарды ойсырата жеуден бұрын Қазақстан хоккейшілері Қытайды 8:0 есебімен, Оңтүстік Кореяны 4:0 есебімен жеңген болатын.
Жексенбі күні қазақстандық мұз дружинасының гол иелері Ярослав Евдокимов (дубль), Илья Ковзалов, Кирилл Савицкий, Никита Михайлис және Константин Савенков болды.
Шаңғыдан 30 километрлік масс-стартта қазақстандық Сергей Черепанов күміс, Николай Чеботько қола медаль иеленді.
Қазақстан құрамасының активінде қазіргі уақытта 30 медаль: 9 алтын, 10 күміс, 11 қола бар.
