АСТАНА, 21 ақп — Sputnik. Қазақстанның басым бөлігінде атмосфералық фронттардың өтуіне байланысты қар жауады деп болжанады, оңтүстік өңірде ғана жауын-шашын болмайды деп хабарлады "Қазгидромет" метеоқызметі.
Ақмола облысында боран болады, кей жерлерде қатты соғады, желдің екпіні – 15-20, кей жерлерде 23-28 м/с.
Солтүстік Қазақстан, Павлодар облыстарында боран соғады, көктайғақ болады, желдің екпіні – 15-20, ұйытқуы – 23-28 м/с.
Қостанай облысында – желдің екпіні – 15-25 м/с, кей жерлерде төменнен соққан боран, тұман, көктайғақ.
Қарағанды облысында, синоптиктердің болжауынша, боран соғады, таңертең тұман түседі, басым бөлігінде түнде жел күшейеді, күндіз кей жерлерде күшеюі – 15-20 м/с.
Шығыс Қазақстан облысында кей жерлерде боран, көктайғақ, желдің екпіні – 15-25 м/с.
Қызылорда, Маңғыстау облыстарында, түнде Алматы облысында кей жерлерде тұман түсуі ықтимал.
Атырау, Оңтүстік Қазақстан облыстарында – тұман, көктайғақ.
Жамбыл облысының жекелеген аудандарында тұман түсуі ықтимал, күндіз желдің екпіні – 15-20 м/с.
Батыс Қазақстан облысында – тұман, көктайғақ, желдің екпіні – 15-20 м/с.
Ақтөбе облысында тұман, көктайғақ болады деп күтіледі, желдің ұйытқуы – 18 м/с, түнде төменнен соққан боран.
