АСТАНА, 20 ақп — Sputnik. Қазақстан мен Ресейдің мәдениет министрлері Арыстанбек Мұхамедиұлы мен Владимир Мединский Астана қаласында бірігіп шаңғымен сырғанады, бұл жайында ҚР мәдениет және спорт министрлігі басшысы Facebook парақшасында жариялады.
"Бүгін әріптесім – РФ мәдениет министрі Владимир Ростиславович Мединскиймен бірге тамаша уақыт өткіздім", — деп жазды Мұхамедиұлы.
Владимир Мединский Астанаға іссапармен келген. ҚР мәдениет және спорт министрлігі мен РФ мәдениет министрлігі арасында бірқатар келісімдерге қол қойылуы жоспарланып отыр.
