АСТАНА, 20 ақп — Sputnik. Астанада "Хайвилл" тұрғын үй кешенінде өрт шығып, бір адам зардап шекті, 150 адам қауіпсіз жерге шығарылды деп хабарлады ІІМ ТЖ жөніндегі комитеттің ресми өкілі Руслан Иманқұлов Sputnik Қазақстан агенттігіне.
Тұрғын үйден түтін шыққаны туралы хабар жексенбі күні сағат 21.10-да келіп түскен. Сорғы бөлмесіндегі алпыс шаршы метр аумақтағы жиһаз бен кабель тұтаныпты.
"Хайвилл" тұрғын үй кешеніндегі өрт
© Photo : ІІМ ТЖ жөніндегі комитет
Өрт нәтижесінде 21 жасар жігітке иіс тиіп, медициналық жәрдем көрсетілді. 150 адам эвакуацияланған, олардың 50-і балалар.
Өрт бір сағаттан соң ауыздықталып, тағы 10 минут өткен соң толықтай сөндірілді.
Оқиға орнынан Sputnik Қазақстан тілшісі хабарлағандай, өрт А3 блогынан шыққан. А3 блогындағы пәтерлер тоқтан ажырап қалды, сонымен бірге су мен жылу да жоқ.
