АСТАНА, 10 ақп — Sputnik. "СК-Фармация" ЖШС-не кепілдендірілген тегін медициналық көмек аясында халықты дәрі-дәрмекпен қамтамасыз ету және дәрі-дәрмектерді сатып алудағы үстемдігін асыра пайдаланған деген айып тағылды деп хабарлайды Қазақстан Республикасы Ұлттық экономика министрлігінің табиғи монополияларды реттеу және бәсекелестікті қорғау комитетінің баспасөз қызметі.
Астана соттарының заңды күшіне енген шешімдері анықтағандай, "СК-Фармация" 2010-2015 жылдар аралығында дәрілік заттарды бірыңғай лотпен тасымалдау және сақтау бойынша қызмет көрсетулерді сатып алған, бұл нарықтағы басқа субъектілердің осы қызметтерді атқаруға мүмкіншілігін шектеген. Сонымен қатар, лоттар жеңімпазы "СТОФАРМ" ЖШС-не қосымша міндеттіліктерді еш негізсіз жүктеген.
"Бұл әрекеттер тауарларды сақтау және тасымалдау нарығындағы бәсекелестікті шектеп қана қоймай, қызметтер бағасының артуына да себеп болуы мүмкін", — деп хабарлайды комитет.
Әкімшілік айыппұлдың сомасы 1,3 миллиард теңгені құрайды.
