АСТАНА, 6 ақп – Sputnik. Қазақстанның солтүстік-батыс бөлігі және шығысы арқылы атмосфералық фронттардың өтуіне байланысты кей жерлерде жауын-шашынды болады, деп хабарлайды Қазгидромет метеоқызметі.
"Циклон тылында суық антициклон басталады, онымен бірге республика аймағында жауын-шашынның тоқтауы және ауа температурасының климаттық нормадан 3-5ºС-ға төмендеуі күтіледі. Алайда, бұл салқындау аз уақыт қана болады, өйткені, келесі циклон 6 ақпан күні Қазақстанның батысына бет алады, онымен бірге температура қайта көтеріледі", — делінген хабарламада.
Оңтүстік Қазақстан, Қызылорда, Маңғыстау, Қарағанды, түнде Алматы облыстарының кей жерлерінде тұман күтіледі. Батыс Қазақстан, Ақтөбе, Қостанай, күндіз Ақмола облыстарының кей жерлерінде жел 15-22 м/с күшейеді, бұрқасын болады.
Атырау облысының кей жерлерінде бұрқасын, тұман, көктайғақ күтіледі, түнде жел 15-20 күшейеді. Солтүстік Қазақстан облысының кей жерлерінде жел 15-20 м/с күшейеді, бұрқасын, тұман болады.
Шығыс Қазақстан облысының кей жерлерінде тұман күтіледі, түнде жел 15-20 күшейеді.
