АСТАНА, 1 ақп – Sputnik. Швеция құрама командасының бас бапкері Горан Тарнлунд шәкірттері топтық ойындарда Қазақстан құрамасынан ұтылып қалған соң, қазақ хоккейшілерінен үйренеріміз көп деп мойындады.
Сейсенбі күні Қазақстан құрамасы Швеция командасын А тобындағы матчта 5:0 есебімен ойсырата ұтты.
"Қазақстан құрамасының хоккейді жақсы ойнайтынын білгенмін, бүгін олар бізге сабақ үйреткендей болды: Қазақстан құрамасынан үйренеріміз көп", — деді Тарнлунд матчтан кейінгі баспасөз мәслихатында.
Жұма күні 3 ақпанда Қазақстан және Чехия құрамалары топтағы бірінші орын үшін таласатын болады.
