АСТАНА, 27 қаң – Sputnik. Жаңа вокалдық "Ты супер!" шоуының алғашқы шығарылымы НТВ телеарнасында 11 ақпанда өтеді. Музыкалық таланттар шоуының жаңалықтарын Sputnik Қазақстан ресурстарынан бақылауға болады.
"Ты супер!" жобасы ата-анасының қамқорысыз қалған дарынды балаларға өздерін көрсетуге мүмкіндік сыйлайды. ТМД және Балтық кеңістігіндегі музыкалық дарындарды Армения, Беларусь, Грузия, Молдова, Қазақстан, Қырғызстан және Эстонияны қосқанда 9 елдің балалары ұсынады.
Балалар вокалдық шоуының алғашқы шығарылымы 11 ақпан күні сағат 20.00-де НТВ телеарнасында өтеді. Sputnik ақпараттық агенттігі және радиосы "Ты супер!" таланттар шоуының халықаралық ақпараттық серіктесі ретінде жобаның Қазақстандағы жас қатысушылары: НТВ-ның алдын ала жүргізген кастингі барысында таңдалған Владимир Сарафутдинов (Орал), Владислав Лоскутов (Өскемен), Сабанқұлова Рано (Қызылорда) және Корнеев Романға (Алматы) қолдау білдіреді.
