АСТАНА, 26 қаң — Sputnik. Бейсенбіге қараған түні Италияда қар көшкіні басып қалған Rigopiano қонақ үйінен соңғы екі құрбанның денесі табылды деп жазады РИА Новости RaiNews24 телеарнасына сілтеме жасап.
Іздеу-құтқару операциясы аяқталды.
Қайғылы оқиға орын алғаннан соң бір апта ішінде құтқарушылар қар астынан аман қалған 11 адам мен 29 құрбанның денесін алып шықты. Ресми мәліметтерге жүгінсек, қар көшкіні кезінде қонақ үйде 28 турист болған, олардың төртеуі жас сәби, ал қызметкерлер саны – 12. Қонақ үйдің тағы екі қызметкері қар көшкіні кезінде ғимарат сыртында болғандықтан, аман қалыпты.
Осылайша, із-түссіз жоғалып кеткендер тізімінде бірде-бір адамның есімі қалған жоқ.
