АСТАНА, 25 қаң — Sputnik. Италияда Rigopiano тау қонақ үйін басып қалған қар көшкіні салдарынан қаза тапқандар саны 18 адамға жетті деп жазады РИА Новости.
Сейсенбі күні кешке өрт сөндірушілер қар астынан тағы бір адамның өлі денесін алып шықты деп хабарлады Пескара провинциясының префектурасы.
ТЖ Аруццо облысы Фариндола қаласы маңындағы Гран-Сассо таулы аймағында 18 қаңтар күні болды. Жер сілкінісі салдарынан туындаған қар көшкіні Rigopiano қонақ үйін басып қалған еді. Ғимаратта 40 адам болған.
Осы күндер аралығында құтқарушылар қар астынан 11 адамды құтқарып алды. Қазіргі уақытта 11 адам ресми түрде із-түссіз жоғалып кеткен деп саналады.
