АСТАНА, 17 қаң – Sputnik. Оңтүстік Қазақстан облысы Ордабасы ауданының мұғалімдерін "ЭКСПО-2017" халықаралық көрмесіне билет сатып алуға міндеттеген деп хабарлайды Facebook қолданушысы Эльвира Ерғалина.
ЭКСПО-2017 биыл жазда Астанада өтеді.
"50 мұғалімі бар мектепке ЭКСПО билеттерін әкеліпті. 40 дана. "Барғандарың жақсы. Бармай жатсаңдар да, билет алуға міндеттісіңдер," депті", — деп жазады Ерғалина парақшасында.
Қолданушының айтуынша, Ордабасы ауданына барлығы 2000 билет беріліпті.
