АСТАНА, 10 қаң — Sputnik. Тоғыз миллион теңге көлеміндегі жеке материалдық көмек қаза болғандардың отбасы мен зардап шеккен екі адамға берілді деп хабарлады Қарағанды облысы әкімі Нұрмұхамбет Әдібеков.
"Арнайы ұйым бұл үйдің үш подъезді қолдануға жарамды деген қорытынды шығарды", — деді Әбдібеков сейсенбі күні үкімет отырысында.
Үйінділерді тазарту жұмыстары аяқталды. Қазір қираған төртінші подьездің конструкциясы жөнделіп жатыр.
"Бұл подьездегі 13 пәтердің ішінде төрт пәтер иесіне баспана беріледі. Қалғандары жөндеу жұмыстары аяқталған соң, өз үйлеріне оралады", — деді Әбдібеков.
Бұл ТЖ-дан зардап шеккендерге көмек беру үшін құрылған жеке қайырымдылық қорының қаражаты тұрғындарға материалдық жәрдем ретінде жұмсалуда.
"Қазіргі уақытта материалдық жәрдем ретінде қаза тапқандардың отбасы мен екі зардап шеккен азаматқа 9 миллион теңге берілді", — деді өңір басшысы.
